1. Жаңы жылга балатыны кооздо салты XVII кылымда Германияда пайда болгон. Байыркы немецтер балатыны алма, печенье, канттын бөлүктөрү менен кооздошчу.
2. Алгачкы айнек оюнчук да Германияда пайда болуптур. Айнекти үйлөөчү чеберлер айнектен көрктүү оюнчуктарды жасашса, алардын шакирттери картондон кичинекей коңгуроолорду, жүрөкчөлөрдү, куштардын, жаныбарлардын фигураларын жасап, ачык түстөргө боешкон.
3. 1895-жылы алгачкы электр гирляндасы менен американын Ак үйүнүн алдындагы балаты кооздолгон.
4. 1843-жылы Лондондо алгачкы жаңы жылдык открытка басылып чыгарылган. Ошондон тарта жаңы жылга открытка берип куттуктоо салты пайда болгон.
5. Дүйнө жүзүндөгү эң узун жасалма балаты Бразилиянын Рио-де-Жанейро шаарында орнотулган. Анын бийиктиги 76 метр болчу.
6.Бишкек (мурунку Пишпек) 1895-жылы Орто Азия чөлкөмүндө алгачкылардан болуп балаты орноткон. Алматы шаарында 1913-жылы, Ташкентте 1955-жылы коюлган.
7. Кыргызстандын эли бир жылда эки жаңы жыл тособуз. Биринчисин бүткүл дүйнө менен кошо 1-январда, экинчи жаңы жыл Ноорузду 21-мартта майрамдайбыз.
8. Өткөн кылымдын орто ченинен тартып Кыргызстандагы бардык мектептерди жана бала-бакчаларды балаты кооздоп, жаңы жыл майрамын өткөрүүнү милдеттендиришкен.
9. Дүйнө жүзүндөгү аяз аталардын тону кызыл түстө. Ал эми кыргыз аяз атанын тону көбүн эсе көк болот.
10. Жаңы жыл майрамы үй-бүлөлүк майрам. Кыргызстандагы бул майрамдын негизги атрибуттары мандарин, оливье салаты жана шампанский.
Келе жаткан жаңы жылыңар менен!
