Салам достор! Бүгүн биз силерге конок келерге 5 мүнөт калганда, үйдү кантип тазалай койсо болору тууралуу сүйлөшөбүз. Пайдалуу маалыматты жакындарыңыз менен бөлүшкөндү унутпаңыз.
Алгач бөлмөнү желдетип алыңыз
Кокустан коноктор келатканын билип калсаңыз, дароо үйдү жыйнаганга шашпаңыз. Алгач бөлмөлөрдүн терезелерин ачып, таза аба киргизиңиз. Иреттегенге жетишкениңиз менен, желдетилбеген үй кир анан чачык көрүнөт. Баса, жанагы «освежитель» деген нерсени чачып кирбеңиз, ал үй чачык болчу экенин кабар берет.
Тряпкаларыңыз микрофибрадан болсун
Микрофибра эски кииймдерден жасалган тряпкаларга салыштырмалуу бир катар артыкчылыктарга ээ:
- ар кандай тегиздиктеги кирди тазалайт
- нымдуулукту жакшы сиңирет, чийбейт
- майды тазалайт, бирок аны сиңирбейт
- бардык нерселердин бетин аарчыганга ылайыктуу
- атайын каражаттарсыз эле, жөн гана суу менен колдонсо болот.
Терезенин текчелерин жана шкафтардын үстүн бош калтырыңыз
Терезенин текчелерин, тумбочкаларды, ашканадагы шкафтарды жана столдордун үстүн бош кармасаңыз, үйүңүз таза жана тыкан көрүнөт. Эгер боштук жакпай жатса, болбоду дегенде үстүнө рамкадагы сүрөт же атайын декор коюп коюңуз.
Бир идеалдуу зона даярдап коюңуз
Конок тосконду жактырсаңыз же бат-баттан конок келе берсе, анда алар үчүн атайын бир зона даярдап коюңуз. Келгенде ошол жерге тососуз дегендей. Бул ыкма менен башка бөлмөңүздөгү ирээтсиздикти жашыра аласыз.
Майда-барат нерсеге көңүл бурбаңыз
Өзүңүзгө гана байкалган нерселерге убакыт коротуунун кереги жок. Мисалы, китептерди түздөп, кычыктагы чаңды издебеңиз. Анын ордуна пол жууп койсоңуз, заматта бөлмөңүз тазара түшөт.
Үй сиздики экенин унутпаңыз
Биринчи кезекте ал сиздин үй, беш жылдыздуу мейманкага эмес. өзүңүз каалагандай болсо эч нерсе болбойт. Конокторго көрсөткүңүз келбеген нерселерди гана алып коюңуз, чачык болсо эч нерсе эмес.
Жүрөкчө басканды унутпаңыз.
