Салам, достор! Мына ошентип, чарала жолборстун падышачылыгы аяктап, күңгүрт коён жылы кирип келди. Бул жылдан эмнени күтсөк болот? Атайын силер үчүн кызыктуу фактыларды топтоп чыктык.
— Эгер сиз 1951, 1963, 1975, 1987, 1999, 2011-жылдары төрөлгөн болсоңуз, анда сиз коёнсуз.
— Коёнду коркок, алсыз дегенибиз менен, ал тайманбаган, жеңиш үчүн күрөшкөн эр жүрөк жаныбар болуп саналат.
— Коен жылында төрөлгөндөрдөрдүн көбүнүн мүнөзү жумшак келет. Алар билимге умтулуп, көздөгөн максатына жете билген адамдар. Мисалы, актриса Анджелина Джоли, окумуштуу Алберт Эйнштейн, кинорежиссер Эльдар Рязанов дал ушул жылы төрөлгөндөрдүн катарында.
— Коён жылындагы бактылуу сандар: 3,4 жана 6.
— Быйылкы жылдын түсү — кызыл, гүлгүн, көк жана сыя өңдөр болуп саналат. Андыктан, кийим же кайсы бир нерсе тандап жатканда бул түстөргө басым жасаңыз.
— Бул жылда олуттуу көйгөйлөр аз болот. Адамдарга үй-бүлөлүк бакыт, ырыскы, чоң киреше алып келет деген ишеним бар.
— Коён үлгүлүү үй-бүлө кура алчулардын бири. Демек, үй-бүлөлүк маселелерди чечүү, алсак, баш кошуу, балалуу болуу тууралуу ойлонуу сунушталат.
— Коен жылында турак-жай маселеси оңой чечилет. Ипотека алып, турак жайыңызды алмаштырып, кыялданып жүргөн шаарыңызга көчүп кетсеңиз болот.
— Бул жылы эски достор кайрадан табышып, жаңылары пайда болушу мүмкүн.
А сиз коен жылы тууралуу кандай факты билесиз?
