Жашым 35те. Турмушка чыккандан бери жолдошум Москвада иштейт. Жылына бир жолу бир айга келип кетет. Мен үч балам менен айылдамын. Ушундай жашоо 16 жылдан бери уланууда.
Былтыр интернет аркылуу бир жигит менен таанышып калдым. Телефондон сүйлөшүп жүрүп, айына бир жолу жолгуп турууну чечкенбиз. Мен аны жакшы көрүп калдым. Туура эмес кылып жатканымды түшүнүп турсам да, жолуккум келе берет. Кол үзөйүн дейм, эрким жетпейт. Ал да улам жазып, чалып турат. Өзүнүн үй-бүлөсү бар.
Кантип кутулам бул жолдон? Жолдошумду балдарымды жоготкум келбейт. Намаз окуп баштадым.
Эмне кылышым керек?
