Салам достор! Акушер-гинеколог Элнура Таштемирова токсикоз тууралуу маалымат берип, аны кантип жеңилдетсе болору тууралуу айтып берди.
Токсикоз — кош бойлуулук учурундагы эң жагымсыз көрүнүштөрдүн бири. Эрте токсикоз (кош бойлуулуктун 12 жумасына чейин) жана кеч токсикоз (20 жумадан баштап) болот.
Кош бойлуулуктун 5-6 жумасынан эрте токсикоз башталат, бул мезгилинде аялда дайыма жүрөк айланып кусуп бул анын жашоосуна терс таасирин тийгизет.
Токсикоз оордугуна жараша 3 даражага бөлүнөт:
- Жеңил — кусуу суткасына 5 жолудан ашпайт, кош бойлуу токсикоздун бул түрүндө 3кг чейин салмагын жогото алат.
- Орточо — кусуу күнүнө 10 жолуга чейин байкалат, аял болжол менен 2 жумада 3 кг салмактан арылат, жалпы абалы начарлайт жана дарыланууга тийиш.
- Оор — суткасына 20 же андан көп жолу кайталануу, дене салмагынын олуттуу төмөндөшү (10 кг же андан көп), жалпы абалы оор, денеде «обезвоживание» байкалат, бөйрөк жана боор ишинин бузулушу мүмкүн — стационардык дарыланууга тийиш.
Жүрөк айлануу жана кусуудан тышкары, алгачкы токсикоздун белгилерине төмөнкүлөр кирет:
- шилекей агып кетүү
- кыжырдануу
- уйкучулук жана алсыздык
- кээ бир тамактарга көз карандылык
- жыттарга сезгичтик.
Кош бойлуулуктун биринчи жумаларында токсикозду жеңилдетүү үчүн:
- эртең менен ойгонгондон кийин кургатылган жемиш же печенье жеңиз
- майлуу тамактардан жана газдалган суусундуктардан баш тартыңыз
- жаныңызда ар дайым лимон ширеси менен суюлтулган бир бөтөлкө суу болсун.таза сууну көбүрөөк колдонуңуз.
Ачуу, туздуу, майлуу, ышталган тамактарды, пиязды жана сарымсакты баш тартуу зарыл. Мындай тамак-ашты сиңирүү кыйын жана организмге кошумча күч алып келет.
Токсикоз учурунда сизге эмне жардам берди?
