Салам достор! Бүгүн Bilesinbi.kg силерге 5 популярдуу таанышуу тиркемелери жөнүндө айтып берет. Жакканын жүктөп алып дос же сүйгөнүңүздү тапсаңыз болот. Кеттик анда!
№ 1. Badoo
Дүйнөдөгү эң ири таанышуу тиркемеси. Катталып жатканда дароо максатыңызды жазасыз. Мисалы, достошуу, жөн гана сүйлөшүү, жолугууга баруу деген сыяктуу. Тиркеме сизге жакын жерде кимдер бар экенин көрсөтөт жана өзүңүзгө же сүйүктүү актеруңузга окшош адамдарды издесеңиз да болот.
№ 2. Tinder
Талаптарыңызга жооп берген бирөөнү табуу үчүн жөн гана колдонмону жүктөп жана Facebook аркылуу кирүүңүз зарыл. Андан кийин издөө баскычына — жынысы, жашы, жашаган аймагы кандай болуусу керек экенин жазасыз. Ылайыктуу адам табылган учурда Tinder сизге билдирүү жиберет.
№ 3. Chak Chak
Кыргызстандагы жаңы жана заманбап таанышуу сервиси. Тиркемени жүктөп, жакын жерде кимдер бар экенин карап, реалдуу адамдар менен таанышсаңыз болот. Chak Chak университеттеги досторуңузду табууга да жардам берет. Интерфейси оңой, заманбап тиркеме.
№ 4. LovePlanet
Колдонмого катталып жатканда кимди жана эмне үчүн издеп жатканыңызды жазсаңыз болот. Буларды эске алуу менен тиркеме сизге ылайыктуу адамды көрсөтөт.
№ 5. MyLove
Олуттуу мамиле түзгүсү келгендер үчүн жөнөкөй жана түшүнүктүү сервис. Анкетага кандай адамды издеп жатканыңызды толук жазасыз. Сүрөтүңүздү жүктөбөй, анонимдүү түрдө сүйлөшсөңүз болот.
