Менин Алмаз жана Бакыт деген эң мыкты досторум бар. Бири-бирибиздин жакшы-жаманыбызга чыдап, достугубузду ушул убакка чейин сактап келдик. Мен жакында өз теңим менен үй-бүлө күтөм. Учурда кайсы досумду күйөө жолдош кылсам деп убайым тартып жатам. Экөө тең мага “мен сени күйөө жолдош кылам” деп айткан. Алмазды тандасам Бакыт досумдан ажырайм, Бакытты тандасам Алмаздан. Кеңеш бериңиздерчи кимисин тандайм?
Тынчтык Бакытов
психолог
Урматтуу окурман, кимди тандаарыңызды өзүңүз чечишиңиз керек. Чыныгы дос болсо алар түшүнүшү зарыл. Сиз биринчисине айтпай экинчисин тандасаңыз ал дагы өкүнүчтүү болушу мүмкүн, андыктан досторуңуз менен дагы кеңешип көрүңүз. Балким досторуңуздун таарынайын деген ою жок. Досторго көп учурда бири-биринен эч нерсе керек эмес, алар жөн гана убакытты бирге өткөрүп, кандайдыр бир иштерди чогуу аткарышат. Үйлөнүү тоюңуз жакшы өтсүн!