Мен 21 жаштамын. Кээде бир нерседен көңүлүм калса, же бирөө катураак урушуп койсо жашоо кызыксыз супсак сезилип, өз жанымды кыйууну ойлой берем. Мындай ойлор окуучу кезимден бери келет. Ушул жылы жайында асынып өлөмүн деп жип сатып алып катып койгом, бирок өлбөй калдым. Азыр болбогон эле майда-чүйдө жумуштарга ушинтип жатсам, эртең жашоодо чоңураак көйгөй болуп калса чыдабай өлүп аламынбы деп корком.
Бермет Наралиева
психолог
Адамга өмүр бир гана жолу берилет жана ал берилген өмүрдүн өзү бакыт. Адам баласы бакыт издеп кандай гана аракеттерди жасап алектенбейт. Ошол бар нерсени барк албай бапестеп өстүрүп кетүүнүн ордуна аны жокко чыгарып кыйуу бул акылга сыйбаган чындык, кечирилгис күнөө. Андыктан сиз башыңызда болуп жаткан "өлүп алам" деген ойдон алыс жүрүүнү үйрөнүшүңүз керек. Жашоодо болуп жаткан майда барат сыноолрго сынбай, күчтүүлүк менен аны жеңе билүүгө аракет жасаңыз. Сиз күчтүү адам болуңуз. Эгер мындай ойдон арылуу кыйынга турса психологго кайрылыңыз.