Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Мени кызганбайт

Мен 20 жаштамын мындан 3 ай мурун интернет аркылуу бир жигит менен таанышып калгам. Мамилебиз келишип кыз-жигит катары сүйлөшүп калдык. Күзүндө ага жар болушумду өтүндү, мен окуумду бүткөн соң десем, макул болуп күтө турганын билдирди. Өзү Москвада бизнес кылат, бул жакка 2019-жылы окууңдун бүтүшүнө барам дейт, мен каршылыгымды айтып, турмуш курганга чейин бир жолу көзмө-көз жолугушубуз керек экенинин айтсам көнбөйт жатат. Менин туугандарым ал баланы бизнес аркылуу таанышат, ата-энелерибиз мамиле куруп жүргөнүбүздү билишет. Акыркы күндөрү көп урушчу болдук, мүнөзү дагы жакпай бара жатат күндөн-күнгө. Мен аны кызганам, мени кызганбайт. “Мүнөзүң жетчү жерге жетти, мен дагы сагынып кеттим, сабыр кылып жүрөм го, сен өзүңө келип ал, мен тынчыңды албай турайын” деп менден кабар албай жүрө берет. Мен болсо кыйналып, аны сагынып ыйлайм, сөз көтөрө албай калдым. “Мени сүйөсүзбү” деп суроо узатсам “Жок жашы көрөм” дейт. Эмне кылсам болот, ал мени сүйөбү же жөн гана жакшы көрөбү? Ушул менен мамиленин аягына чекит койгонум жакшыбы же аны күтсөмбү? Кеңеш бериңизчи?

Эксперттин жообу
A
Asel
02.03.2018, 15:53

Бермет Наралиева

психолог

Негизинен аял затынын психологиясы эмоция менен байланыштуу. Баардык нерсени жүрөктүн тереңинен өткөрүп, ар бир майда бөлүктөрүнө чейин маани берип, оңунан чыкса шаң-шөөкөткө кабылып, болбой калса буркан-шаркан түшөбүз. Алгач жигитти жактырсаңыз, ата-энелериңер мамиле курганыңардан кабардар болсо, анда сиздерди бириктирип турган бир байланыш бар. Сизге айтаарым эмоцияга берилип, ачуулануу менен кескин чечим чыгарууга шашпаңыз. Жигитиңиздин жасаган иши, сүйлөгөн сөзү анын токтоо, сабырдуу, ар нерсени акыл эси менен таразалап карай турганынан кабар бергенсийт. Сиздин эмоционалдуу, жеңил-желпи ачууга бат алдырган мүнөзүңүз менен ал жигиттин токтоо, сабырдуу мүнөзү үй-бүлөлүк жарлардын бири-бирине дал келген жакшы гармониялуу союзун түзөт деп ойлойм.

Айымдар кулак менен кайра, кайра “сүйөм” деген сөздү үгуп турууну каалайт. Ал эми эркектер табияатынан андай сөзгө сараң экендигин эске алуу абзел. Кызганчаактык менен эмоция сиздин акыл эсиңизди ээлеп туура анализ жасоого мүмкүнчүлүк бербей жатат. Бул обу жок кызгануу акыл эске сыйбаган инстинкттик сезим экенин эсиңизге алыңыз.

 

Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Сиз робот эмес экендигиңизди тастыктаңыз
Ɵзүн туура алып жүрүү
биздин сайтта:
  • сөгүнгөн сөздөрдү жазганга болбойт
  • суроолорду ким жазса, ага карата мазактаган, шылдыңдаган сөздөрдү жазууга болбой
  • кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
  • дискусиянын катышуучуларынын кадыр баркына шек келтирүүгө, басынтууга болбойт
  • КР нын мыйзамына каршы келген жоопторду чыгарууга болбойт
  • жоопторду транслитке чыгарууга болбойт
  • жоопторду башкы тамгалар менен бөлүп чыгарууга болбойт
  • адамдардын тутунган динине, улутуна асылган, басынткан сөздөрдү жазып чыгарууга болбойт
  • бир эле суроого ар кайсы ник менен жазууга болбойт
  • ник менен сөгүнүп сагынган сөздөрдү жазууга болбойт
  • суроого тиешеси жок жоопторду жазууга болбойт