Сиздин суроо ийгиликтүү жайгашты, эми жакын арада жообун аласыз.
Сиздин жооп модератор текшерээри менен чыгат

Кайын энемди көргүм келбейт

Эки балам бар. Көйгөйүм - кайын энем менен тил табыша албайм. Күйөөм жакшы, бирок, апасынын көзүн карап турат. Апасы мага жамандык кылса да “сен баштадың да”,- деп күнөөнү мага оодарып коет. Кайын энемдин кылган кылыктарына эстеп, көргөндө ачуум келет. Нервди тынчтандыруучу дары сунуштай аласызбы?

Эксперттин жообу
A
Asel
07.12.2018, 11:09

Бермет Уланова

Гештальт-консультант

Урматтуу айым, тилекке каршы, кайын энеңиз менен болгон конфликттин чыгуу себептерин толук жазбапсыз. "Бул дарыны ичсең нервиң эс алат" деп конкреттүү бир дары сунуштай албайм. Ортодогу келишпестик дары менен ордуна келбейт.

Биринчиден, уруш-талаш эмне себептен келип чыгып жатканын аныктап, түшүнүшүңүз керек. Эсиңизде болсун, күнөө бир тараптан болбойт. Кайын энеңиз менен болгон мамилеге жолдошуңузду аралаштырбаңыз, экөөнө эки башка мамиле керек.

Кайын энеңизди, сизди жана ортодогу абалды кенен билбейм, толук маалымат берүү кыйын болуп турат.

Эгер кайын энеңиз сизге гана эмес, башкаларга да агрессивдүү мамиле кылса, чыр-чатакка көп аралашкан, киши менен ыркы келишпеген адам болсо, аны көкүтпөгөнгө аракет кылыңыз. Көпчүлүк учурда мындай адамдардын максаты абалды конфликтке жеткирүү.

Эгерде урушуңардын себеби бир пикирлеш боло албагандан болсо, экөөңөр тең мамиленин үстүнөн иштешиңер керек. Кайын энеңизге эмне жакпаарын билип көрүңүз. Колдон келчү реалдуу суроо-талап болсо аткарып коюңуз. Аны менен сүйлөшүү учурунда күнөөлөбөй, өзүңүз жана өзү тууралуу чындыкты сүйлөшүңүз. Мисалы, тигил же бул көрүнүш же айткан сөздөрү сизге кандай таасир берди ж.б. Ийгилик каалайм! 

 

Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Сиз робот эмес экендигиңизди тастыктаңыз
Ɵзүн туура алып жүрүү
биздин сайтта:
  • сөгүнгөн сөздөрдү жазганга болбойт
  • суроолорду ким жазса, ага карата мазактаган, шылдыңдаган сөздөрдү жазууга болбой
  • кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
  • дискусиянын катышуучуларынын кадыр баркына шек келтирүүгө, басынтууга болбойт
  • КР нын мыйзамына каршы келген жоопторду чыгарууга болбойт
  • жоопторду транслитке чыгарууга болбойт
  • жоопторду башкы тамгалар менен бөлүп чыгарууга болбойт
  • адамдардын тутунган динине, улутуна асылган, басынткан сөздөрдү жазып чыгарууга болбойт
  • бир эле суроого ар кайсы ник менен жазууга болбойт
  • ник менен сөгүнүп сагынган сөздөрдү жазууга болбойт
  • суроого тиешеси жок жоопторду жазууга болбойт