«Ой, колдонгонду билем!» деп кол шилтешиңиз мүмкүн. Бирок, оңой көрүнгөнү менен, иш жүзүнө келгенде баары башкача болушу мүмкүн. Андыктан, бул маалыматтарды билип алуу ашыкча болбойт.
— Өзүңүздүн өлчөмүңүздү (размер) аныктап алыңыз.
— Презервативди сөзсүз аптекадан гана сатып алыныз. Базарлардан, киосктордон, интернет жана интим дүкөндөрдөн сатып алуудан алыс болуңуз.
— Сатып алардын алдында презервативдин этикеткасында жазылган маалыматты дыкат окуп чыгыңыз.
— Эгер презервативдин тангагы бырышкан, тешилген, ачылган же мөөнөтү өтүп кеткен болсо колдонбоңуз.
— Презервативди капталга жылдырып тышын этияттык менен ачыңыз. Ачканда кайчы, бычак, тырмак менен колдонгон болбойт, презервативди кесип же айрып алышыңыз мүмкүн.
— Презервативди чыгарып бир сыйра карап чыгыңыз. Эгер ал батташып жабышчаак болсо, же кургап калса, өңү башкача боло түшсө колдонбоңуз.
— Презервативди сперма үчүн атайын чөйчөкчөсүнүн (резервуарынын) учун манжаларыңыз менен кысып кармап, ичиндеги абаны чыгарып салыңыз.
— Эрекция болуп турган жыныс мүчөнүн түбүнө чейин презервативди кийгизиңиз.
— Эгер презерватив ордунан жылып кетсе, же тытылып калса, дароо чечип башкасын колдонуңуз.
— Ар бир жыныстык актыда жаңы презерватив колдонуу зарыл. Колдонгон презевативди кайрадан колдонууга болбойт.
— Аналдык секс учурунда ар дайым лубрикант (атайын майлоочу каражат) колдонуңуз. Бул презервативдин айрылып кетүүсүн жана физиологялык жаракат алуусун алдын алат.
— Эякуляциядан кийин презервативди четинен кармап жыныс мүчөнү чыгарыңыз. Презервативди чечип, сперма агып кетпөөсин деп оозун түйүп коюу керек. Колдонулган презервативди кагаз салфеткага ороп, таштанды салына турган чакага ыргытып салыңыз.
Эсинизде болсун! Презервативди туура жана ар дайым колдонуу ВИЧтен, жыныстык жол аркылуу жугуучу оорулардан жана күтүлбөгөн кош бойлуулуктан сактайт.
