Атактуу психолог Михаил Лабковскийден тест. Суроолор өтө жөнөкөй, бирок аларга чын жүрөктөн жана дароо жооп бериш керек. Кеттик анда!
«Ар дайым» үчүн 1 упай, «кээде» үчүн 2 жана «эч качан» үчүн 3 упай коюңуз.
1. Мага сырткы келбетим жагат.
2. Мен өз жөндөмүмө ишенем.
3. Мен өзүмдү жакшы адаммын деп эсептейм.
4. Мен кетирген каталарыма өкүнбөйм, алар мага тажрыйба болду.
5. Мен көрө албастык дегенди билбейм.
6. Мен өзүмдү эч кимге салыштырбайм.
7. Мен өзүмдү кайрымдуу адаммын деп эсептейм.
8. Мен өзүмдүн жашым жөнүндө айтканды жакшы көрөм.
9. Мен өз кесибим жөнүндө айтканды жакшы көрөм.
10. Мага комплимент уккан жагат.
Жыйынтык:
12 упайга чейин:
Чексиз сүйүү
Өзүңүздү кандай болсоңуз дагы ошондой кабыл аласыз, кемчиликтерди издебейсиз, өзгөчөлүгүңүзгө жана оригиналдуулугуңузга ишенесиз. Дал ушундай адам баардык нерсеге жөндөмдүү болот: ал өз тармагында мыкты адис, жыйынтыгында ийгиликке жетет, баласына ишнеим менен сүйүү берген мыкты ата-эне болот.
13-20 упай:
Умтулууга негиз бар
Көпчүлүк адамдар сыяктуу эле, жөндөмүңүздөн шек санайсыз. Бирок, жалпысынан алганда, өзүңүздү сүйүп жана кабыл алганга аракет кылганды үйрөнүп жатасыз. Сиз туура жолдосуз! Өзүңүздү жана каалоолоруңузду тез-тез угууга аракет кылыңыз, өз пикириңиз менен эсептешиңиз.
21 жана андан жогору:
Көйгөй бар
Тилекке каршы, өзүңүздү анча жакшы көрбөйсүз. Балким, буга оор балалык таасир бергендир, анткени сиз башкаларга теңеле бергенге көнүп калгансыз. Өзүңүздү сүйө аларыңызды түшүнүү бул тоскоолдуктан арылууга жардам берет. Сизге жаккан жана жакпаган нерсени токтоосуз айта баштаңыз, каалаганыңызды жасаңыз. Ошондо кырдаал жакшы жакка өзгөрөт!
