Мен 15 жаштамын. Түнкү клубка барып эс алсам болобу?
Үй-бүлөлүк кодекске жана биз тараптан ратификацияланган адам укуктарынын конвенциясына ылайык 18 жашка чейинкилер бала болуп эсептелинет.
Демек, жашы жетелек өспүрүмдөрдүн ден-соолугун коргоо укук нормаларын баардык юридикалык уюмдар жана физикалык жүздөр аткарышы керек. Түнкү клубдар сыяктуу кооптуу жайлар 15 жашка чейинкиби же жогору болобу ага психикалык жана физикалык коркунуч туудурат. Ошондуктан, 15 жаштагы өспүрүмдү түнкү клуб администрациясы эс алуучу жайга киргизээрден мурун анын документтерин текшерип, укугунун бузулуп жана ден-соолугуна зыян келип жатканына жооп берүүгө автоматтык түрдө даяр болушу керек. Сиз эс алууга барган күндө дагы, документиңиз жоктугунан жана дагы баардык эле эс алуучу жайлар сиз үчүн милдет алгысы келе бербегендиктен кире албайсыз.
Мен 14 жаштамын. Ден-соолугум начар болгондуктан, көп ооруйм. Сиздерден сурайын дегеним оорулуу бала кандай укуктарга ээ?
Саламаттыкты сактоо жана жаш балдарды социалдык жактан коргоо мыйзамдарына ылайык мамлекет бюджеттик каражаттан оорулуу балдарга бекер медициналык текшерилүүгө жана дарыланууга акча бөлүп бергендиктен, сиз бекер медициналык жардам алууга укуктуусуз. Эгерде бала медициналык кароого дайым муктаждыгы бар майып болсо, оорусунун биринчи же экинчи тобуна ылайык атайын бекитилген пособияларды ала алат. Ошондой эле оорулуу бала жакшы медициналык кароого, мамилеге укугу бар.
