Жогорку даражадагы дарыгер-гинеколог, үй-бүлөлүк психолог Гүлзина Мадраимова кош бойлуу мезгилдин кайсы учурунда жыныстык катнашка барууга болбойт экенин айтып берди.
Кош бойлуу мезгилдеги жыныстык катнашка медицина тыюу салбайт. Эгерде ден-соолугуңуз таза, чың болсо, кош бойлуулук нормалдуу өтүп жатса, төрөгөнгө чейин кошулунун коркунучу жок.
Төмөнкү учурларда жыныстык катнашка барганга болбойт:
— Бойдон түшүп калуу же ара төрөлүү коркунучу болсо;
— Сизде же күйөөңүздө инфекциялык оорулар болсо;
— Анализ тапшыруу алдында;
— Жатындын моюнчасы бош болсо;
— Тон (плацента) төмөн жайгашып же жатындын оозун толук жаап калса;
— Миома бар болсо;
— Кан кеткенде;
— Бир нече түйүлдүк (эгиз, үч, төрт) болсо;
— Жолдошуңуз мас абалында болсо;
— Каканак жарылып суу кеткенде;
Кош бойлуулуктун акыркы мөөнөтүндө жыныстык катнаштан алыстоо керек.
