Бүгүн биз Түштүк Кореяга барып билим алып келүү үчүн эмне кылуу керек деген суроого “Kyrgyz Concept Education” агенттигинин консультанты Аида Бейшембаевадан жооп алдык.
Түштүк Кореяда 380 университет бар. Алардын ичинен эң абройлуу 3 окуу жай «SKY» деп аталат:
S — Сеул Улуттук Унитверситети http://www.useoul.edu/
K — Корё Университети https://www.korea.edu/
Y — Ёнсе Университети https://www.yonsei.ac.kr/en_sc/index.jsp
Талапкерлер кандай документ топтойт?
Көпчүлүк кыргыз студенттери англис тилин өздөштүргүсү келет. Ошол себептен “Kyrgyz Concept” компаниясы англис тилинде иштеген жеке менчик университеттер менен кызматташат. Мындай окуу жайларга өтүү үчүн төмөнкү документтер керек:
- Бакалавр же магистр программаларына нотариалдык жактан күбөлөндүрүлгөн, англис тилине которулган аттестат же диплом.
- Англис тил деңгээли жөнүндө сертификат:
Бакалавриат программасына: TOEFL iBT 80/IELTS 5.5
Магистратура программасына : TOEFL 80+ /IELTS 5.5
- Жалпы жарандык (загран) паспорттун көчүрмөсү.
- Ата-эненин паспортторунун көчүрмөсү.
Тапшыруу мөөнөтү өтө кыска. Андыктан 11 класста же университеттин акыркы курсунда окуп жатканда эле документтерди чогулта бериңиз.
Визаны кантип ачса болот?
Бишкек шаарында жайгашкан Корея Республикасынын элчилигинин сайтында көрсөтүлгөн документтердин тизмесин топтойсуз.
Ошондой эле http://overseas.mofa.go.kr/kg-ky/wpge/m_9084/contents.do сайтында университеттер тууралуу кенен маалыматтар бар.
Документ тапшыруудан мурун чыгымдарды эсептеп алыңыз. Акчаны сарамжалдоо үчүн университеттин жатаканасын тандаңыз.
- 4-орундуу бөлмөнүн акысы болжол менен айына 210-600$.
- 2-орундуу бөлмө үчүн 280-800 же 1000$.
- Корей үй бүлөөсү менен жашайм десеңиз айына 300-500$ сарптайсыз.
- Студенттик ашканаларда тамактансаңыз бир жылга 1500$ чейин кетет.
- Жол кире жылына 200$.
- Камсыздандыруу полюсу 500$.
Кореяда орточо айлык маяна 2000, 2500$. Каникул маалында толук күн, окуу маалында жумасына 20 саат иштесе болот.
