- Лазер менен көздүн көрүүсүн, оңдосо болобу? Бизде лазер менен операция жасайбы, болжол менен канча сом болот?
Лазер менен көздүн көрүүсүн оңдосо болот. Эгерде силерде “миопия” деген оору болсо лазердин жардамы менен оңдоп, чел кабыктын бир катарын кесип алып салат. Бирок бул учурда деле сиздеги “миопия” деген оору бар деген жыйынтык менен калат. Дайыма көзөмөлдө болуп, ооруну жеңилдетип, көрүүнү жакшыртса болот. Бизде мындай операцияны жасайт. Болжол менен 70 миң сомдой болот.
- Интернет айдыңынан ар кандай көз үчүн дарыларды көрдүм, тамчылатуучу, сууга кошуп иче турган. Буларга ишенсе болобу? Сертификаттары бар экен.
Аларга көп ишенүүгө болбойт. Алар өздөрүнүн дарысын өткөрүү үчүн кишилерди алдап акчасын алышат. Менин сунушум интернетте жарыяланган дарыларга ишенип, акчаңарды коротуп албай эле койгула.
- “Астигматизм” деген көздүн оорусун айыктырса болобу?
Толук бойдон айыктырып коюуга болбойт. Көз айнектин жардамы менен түздөө, көз үчүн көнүгүүлөр, витаминдер жана дайыма көзмөл керек. Сиз бизге кайрылыңыз жардам берүүгө даярбыз.
