Салам достор! Бүгүн биз силерге Республикалык психиатрия жана наркология борборунун адистеринин кодировка боюнча кеңири тараган мифтер тууралуу берген маалыматы менен бөлүшөбүз. Сөзсүз билип алыңыз.
1-МИФ. Кодировка психиканы жана мүнөздү өзгөртөт
Калк арасында бул процедура зомбилештирип, депрессияны жана апатияны козгойт деген пикирлер бар. Чынында андай эмес. Кодировка спирт ичимдиктерин колдонууга тыюу гана салат. Ал эми туруксуз эмоционалдык абал алкоголдук көз карандылыктын көрүнүшү болуп саналат. Дарылоо аяктагандан кийин пациенттин абалы калыбына келет.
2- МИФ. Ичимдик ичпеш үчүн, кодировка кылуу керек
Алкоголдук көз карандылыкты комплекстүү түрдө дарылоо зарыл: алкоголдук ичимдиктерге болгон мамилени өзгөртүү, өзүн-өзү башкаруу механизмдерин жана күчтүү мотивацияны иштеп чыгуу, көз карандылыктан кийин реабилитациядан өтүү ж.б. Кодировка жөн гана сергектикти сактоого жардам берет.
3-МИФ. Кодировка иштебейт
Албетте иштейт! Дары организмге куюлгандан кийин, алкоголдук ичимдиктер менен айкалыштырбаш керек, эгерде ичип алса катуу ууланууну жаратат. Дары канга киргенден тарта эффект сакталат.
Сиз бул тууралуу билчү белеңиз.
