«Акчаны качан өзүмө иштетем?», «Эх, карыганда океандын жээгинде жашасаң, э?», «Дүкөнгө кирип туруп, каалаган нерсемди баасын сурабай, карабай алгым келет» ж.б. Эгер сизде дагы ушундай ойлор бар болсо, анда кирешеңизди көбөйтүүгө убакыт келди.
Биринчи
Акчанын кайда кетип жатканын билүү үчүн бюджет жүргүзүү керек. Чыгашаларды анализдегенден кийин гана көзүңүз ачылат. Керексиз сатып алуулардан баш тартып, үнөмдөөгө өтөсүз.
Экинчи
Айлык киршеңиздин 10-20% өзүнчө бекитип баштоо керек. Канчалык акча зарыл болсо дагы, ага тийбеңиз. Ал акчаны жок деп элестетиңиз.
Үчүнчү
Эртең эмне болорун эч ким билбейт. Балким сиз иштеп жаткан фирма жабылып калат дегендей. Андыктан, жумушу жок калганда 5-6 ай жашай ала тургудай акча топтоп коюш керек. Муну каржы жаздыгы деп коюшат.
Төртүнчү
Акчанын милдети чаң басып жатуу эмес, жүгүрүү. Ошондуктан, акчаны көбөйтүш керек. Депозитке салып пайызын алсаңыз болот. Же инвестиция кылсаңыз андан жакшы дегендей.
