Өспүрүмгө каалаган нерсесин алуунун эң оңой жолу — ата-энесинен сурануу. Бирок бул ыкма дайыма эле иштей бербейт, алар көп учурда баш тартып коет дегендей. Демек, өзүңүз сатып алууга аракет кылсаңыз болот. Кантип? Болгону керексиз чыгашалардын баш тартып, төмөндөгү эрежелерди аткаруу керек.
Максат коюңуз
Ооба, баары максат коюудан башталат. Эгер айфон алгыңыз келсе, бирок ата-энеңизди кыйнабайм деп чечсеңиз, анда атаңыз же апаңыз, туугандарыңыз акса берсе, дароо дүкөнгө чуркабай чогулта баштаңыз.
Акчаны үнөмдөңүз
Досторуңуз менен анча деле кызыктуу эмес киного же мультфильм көргөнгө барсаңыз болот. Күн сайын гамбургер, чипсы, кола алып жесеңиз болот. Бир нерсе кааласаңыз, ойлонбостон дароо сатып алсаңыз болот. Же акчаны жөн эле чача бербей, чогулта баштасаңыз болот.
Чыгашаларды эсептеп чыгыңыз
Күнүнө канча акча коротушуңуз керектигин эсептеп көрүңүз жана бул суммадан чыкпаңыз. Мисалы, күнүнө жол кире жана тамакка мынча сом коротом, ошондон ашпайм деп чечиңиз. Албетте, азгырыктар болот, бирок эрктүү болуңуз.
Кошумса киреше издеңиз
Максатыңызга батыраак жеткиңиз келет, бирок акча чогултуу жай болуп жатабы? Колуңуздан эмне келет? Мисалы, өспүрүмдөр өздөрүнөн кичүүлөргө кошумча сабак берип акча тапса, айрымдары татууларды жасап сатат дегендей. Сизде кандай талант бар жана ал талантты кантип пайдаланса болот ойлонуңуз.
А сиз өзүңүз сатып алган биринчи кымбат буюм эмне болгон?
