«Айыл Банк» төлөм карттары менен банктык операцияларды жүргүзүүдө этият болууну суранат.
Банк бул нерселерди аткарууну катуу өтүнөт:
- акча которууну же кандайдыр бир буюмду алуу үчүн жөнөтүүчү жиберген шилтемелерди ачпаңыз
- эгер кандайдыр бир сайтка киргиңиз келсе, анын дарегин издөө функциясына өзүңүз киргизиңиз, бирөөлөр жиберген шилтемени ачпаңыз
- бир нерсе сатып алууну пландап жаткан интернет -сайттардын даректери туура экенин тактаңыз, анткени ага окшош даректер мыйзамсыз аракеттерди жасоо үчүн колдонулушу мүмкүн
- эч качан картанын жеке маалыматын көрсөтпөңүз (картанын номери, жарактуулук мөөнөтү, CVV). Жеке маалыматтарыңызга жоопкерчилик менен мамиле кылыңыз, шылуундар аларды колдонуп, картаңыздан акча ала алышат
- чалуулар аркылуу карта менен эч кандай операцияларды жасабаңыз
- SMS билдирүүлөрү аркылуу алынган маалыматты бирөөлөргө, атүгүл банк кызматкерлерине дагы айтпаңыз
- банктан чалып жатабыз деп, бирөөлөр сизге акча которгонун же эсебиңизге кол салганын айтышса дароо ишенбеңиз. Алгач маалыматты тактоо үчүн банктын call-борборуна өзүңүз чалыңыз, анын номери картанын арткы бетинде көрсөтүлгөн.
Эсиңизде болсун, банк кызматкерлери эч качан телефон аркылуу же интернет -банкингден картанын маалыматын, логинин жана паролун сурашпайт.
Сак болуңуз!
