Ар кандай ичимдиктер — организм үчүн зыяндуу жана уулуу зат болуп саналат, ар бир ичилген стакан организмди чоң стресске дуушар кылат. Алкоголдук ичимдиктерге уланбаш үчүн алдын алуучу мыкты чара, андан толугу менен баш тартуу. Бирок, азырынча алкоголдук ичимдиктерден толугу менен баш тарта албай жатсаңыз, анда улануу коркунучун азайтууга жардам бере турган чаралар бар.
— Спирт ичимдиктерин ченеми менен ичүү, спирттин жеке дозасынан ашпоого.
— Ичеги-карын, жүрөк-кан тамыр ооруларында, психикалык бузулууларда спирт ичимдиктерин ичүүгө болбойт.
— Дары-дармектерди (антидепрессанттар, уктатуучу таблеткалар, ооруну басаңдатуучу ж.б.) кабыл алууда спирт ичимдиктерин ичпеңиз.
— Ач карын жана газдалган суусундуктар менен ичпеңиз;
— Бир стакан ичкенден кийин бир нерсе жеңиз, лимон жеген жакшы, С витамини алкоголдун метаболизмин тездетет.
— Ар кандай алкоголдук ичимдиктерди аралаштырбаңыз.
— Жасалма алкоголдук ичимдиктерди ичпеңиз. Алкоголдук ичимдиктерди сатып алууда продукциянын коопсуздугун жана сапатын тастыктаган документтерди талап кылыңыз.
Алкоголдук ичимдиктерди 16 жашка чейинки балдарга, кош бойлуу аялдарга жана унаа айдаган адамдарга колдонууга катуу тыюу салынат.
