2018-жылга карата ЖОЖдордун Академиялык Рейтингинин (ARWU) берген маалыматына ыйлайык дүйнөдөгү мыкты жогорку окуу жайлар деп төмөнкүлөр табылды.
Таасирдүү окуу жайлардын рейтингин түзүүдө Цзяо Тун Шанхай университетинин эксперттери бул көрсөткүчтөрдү пайдаланышат: Нобел же Филдс сыйлыгына ээ болгон бүтүрүүчүлөрүнүн жана кызматкерлеринин саны, ар кандай предметтик аймактарда цитаталанган изилдөөчүлөрү, ошондой эле Science же Nature илимий журналдарда басылып чыккан макалалардын саны.
10-орун | Чикаго университети (University of Chicago)
Бул жогорку окуу жай Нобел сыйлыгына ээ болгон лауреттарынын саны жагынан дүйнөдө 4-орунду ээлейт. Университеттин тарыхы боюнча жалпысынан бул сыйлык менен 89 кызматкери жана студенттери сыйланган.
9-орун | Калифорниянын технология институту (California Institute of Technology)
Инженерия жана так илимдер боюнча адистешкен дүйнөнүн эң маанилүү техникалык билим берүү мекемелеринин бири. NASA автоматтык космос аппараттырынын бир бөлүгүн ишке ашырган реактивдик кыймыл лабораториясы институтка таандык.
8-орун | Колумбия университети (Columbia University)
АКШдагы белгилүү жогорку окуу жайлардын бири. Бүтүрүүчүлөрдүн арасына төрт америкалык президент (анын ичинде Барак Обама да бар), 101 Плутцер премиясынын лауреаттары, 97 Нобел сыйлыгынын лауреаттары, 26 чет мамлекет жетекчилери, ошондой эле 25 «Оскар» сыйлыгынын ээлери кирет.
7-орун | Оксфорд университети (University of Oxford)
Улуу Британиянын биринчи жана дүйнө жүзүнүн англис тилиндеги байыркы университети. Бул окуу жайды 25 британдык өкмөт башчылары жана искусство тармагындагы мыкты илимий ишмерлер аяктаган.
6-орун | Принстон университети (Princeton University)
Принстон университети АКШдагы престиждүү окуу жайлардын бири. Архитектура жана инженердик илимдер тармагынын алдыңкылары.
5-орун | Берклдагы Калифорния университети (University of California, Berkeley)
Дүйнөдөгү 10 мыкты окуу жайлардын катарына кирген мыкты жана жалгыз мамлекеттик университет. Компьютердик илим жана IT-технологиялары боюнча адистерди окуткан өнүккөн борборлордун бири болуп саналат.
4-орун | Массачусетс технология институту (Massachusetts Institute of Technology)
Дүйнөдөгү барктуу техникалык билим берүү мекемелеринин бири. Институт жасалма интеллект жана робот тармагындагы биринчилерден болуп саналат.
3-орун | Кембридж университети (University of Cambridge)
Улуу Британиянын байыркы (Оксфорддон кийинки ) жана ири жогорку окуу жайынын бири.
Бул окуу жайдын белгилүү мугалимдеринин бири — физик-теоретик Стивен Хокинг.
2-орун | Стенфорд университети (Stanford University)
Бул жеке изилдөө университетинин бүтүрүүчүлөрү Google, HP, EA Games, Cisco, Yahoo, Sun Microsystems, NVIDIA жана башка көптөгөн компанияларды жана глобалдуу эл аралык бизнестерди негиздеген.
1-орун | Гарвард университети (Harvard University)
Американын бул университети көп жылдан бери дүйнөдөгү мыкты жогорку окуу жайларынын тизмесинин сап башында. Бүтүрүүчүлөрүнүн арасындагы миллиардерлердин саны боюнча АКШда биринчи орунда турат.
Эсиңизде болсун, бул окуу жайлардын бирине тапшырууну чечсеңиз, англис тилиңизди жакшыртыңыз!
