Сиз мындай диагноз тууралуу эч качан укпасаңыз керек. Бирок, бул көйгөй чынында бар жана өтө актуалдуу. Себеби, көптөгөн наристелер ушунун айынан ооруканага жатып, майып болуп, айрым учурларда чарчап да калышы мүмкүн. Ошондуктан билип койгон оң.
Баланы силкилдетүү синдрому, балага кам көрүп жаткан чоң киши уйкудан калып, депрессияга түшүп, чарчап, ачууланган учурда өзүн кармана албай, ыйлап жаткан баланы катуу силкилдете баштаганда пайда болот. Анын натыйжасында наристенин мээсине кан куюлуп, шишик пайда болот. Бирок, сыртынан эч нерсе байкалбайт.
Жаш жана тажрыйбасы аз ата-энелер ошондой эле жалгыз бой энелер бул катачылыкты көбүрөөк кетиришет.
Провокациялоочу факторлор:
- депрессия,
- стресс,
- ичимдик,
- үй-бүлөдөгү чыр-чатак
Эсиңерде болсун! Эч качан баланы силкилдетпегиле! Эгер өзүңөрдү кармана албай жатканыңарды сезсеңер, баланы жаткырып коюп, бөлмөдөн чыгып кеткиле. Дароо туугандарга, досторго же кошуналарга чалыңыз.
Жаралган жагдай тууралуу үй-бүлө мүчөлөрү же соц.кызматкерлер менен сүйлөшкүлө. Жаныңарда жардамчы болгону жакшы. Жумасына жок дегенде эки жолу эс алып, уйкуңарды кандырып алганга шарт түзгүлө.
Эми “Наристени силкилдетүү синдрому” тууралуу маалымат алгандан кийин, үй-бүлө мүчөлөрү менен же балаңарды каралашкан киши менен сүйлөшүп бул тууралуу айтып бергиле. Кандай кесепеттерге алып келүүсү мүмкүн экенин билгендин өзү эле бир топ коркунучтардан сактап калат.
