Жайдын аптаптуу күндөрүндөгү ысыктан сактануунун бир нече жолдорун Bilesinbi.kg сиздер үчүн сунуштайт.
- Ным чүпөрөк менен кулактын артын сүртүп туруңуз;
- Көчөдө көпкө жүрбөөгө аракет кылыңыз;
- Физикалык күчтү талап кылуучу ишти азайтыңыз;
- Бөлмөнү шамалдатып туруңуз (терезени ачып, вентилятор, кондиционер ж.б).
- Көчөгө чыгаарда моюну кенен, ачык түстөгү, денеге чапталбаган, табигый кездемелерден тигилген кийим кийиңиз. Сөзсүз түрдө күндөн коргоочу көз айнек, шляпа, панама, кепка ж.б.
- Ысык мезгилде энергияга болгон муктаждык төмөндөйт. Демек, жай мезгилинде организмге аш болумдуу тамак-аш талап кылынбайт. Ысык мезгилде майлуу тамактардан баш тартуу керек жана эт менен тамактанууну минимумга чейин азайтуу абзел. Эттин ордун балык же деңиз азыктары менен алмаштыруу сунушталат. Ышталган, куурулган жана тез бузулуучу тамак-аш азыктарын алыс болуңуз;
- Күндүн ысык мезгилинде көп тамактануудан баш тартыңыз. Эртең менен жана кечинде тоюмдуу тамак жеп алсаңыз туура болот. Тамакты бышырууда жана сактоодо гигиеналык жана технологиялык талаптарды так сактоону эсиңизден чыгарбаңыз;
- Организмди толук кандуу суу менен камсыздап туруу үчүн суюктукту көп ичүү сунушталат. Чай, минералдык суу, жемиш суусундуктары, курамында майлуулугу азкычкыл сүт азыктары, кургатылган мөмөлөрдүн кайнатмалары, байытылган суусундуктарды ичиңиз;
- Газдалган, курамында шекери көп суусундуктар, энергетикалык жана алкоголдук ичимдиктерден баш тартыңыз;
- Күнүнө 1,5 литрге чейин суюктук ичүү керек. Ошол эле учурда, бөйрөк жана жүрөк-кан тамыр системасы менен ооруган адамдар суунун көлөмүн көбөйтүүгө болбой турганын эстен чыгарбоосу зарыл;
- Иммунитетти бир калыпта сактап туруу үчүн таза жуулган мөмө-жемиштерди жеп туруу сунушталат;
- Күндүз мүмкүн болушунча жылымык суу менен душка түшүү сунушталат;
- Жумуштарды эртең менен же кечинде ысык басылгандан кийин пландаштырууга аракет жасаңыз;
- Дүкөндөргө, кинотеатларга жана башка объектилерге барарда кондиционер орнотулган жайларга артыкчылык бериңиз;
- Көлмөлөргө, аккан сууларга түшпөңүз. Коопсуздук биринчи орунда болушу керек.
Мындан башка ысыктан коргонуунун жолдорун билсеңиз комментарийге жазыңыз.
