Өзүм каалаган банктын кызматын тандасам болобу? Келишимге кол коюуга мажбурлашса эмне кылам? Депозитке салган акчамды алдын ала алаламбы? Кредитимди төлөй албай калсам мөөнөтүн узарттып беришеби? «Айыл Банк» АККнын кызматкери Марат Касмалиев керектөөчүнүн негизги укуктары жөнүндө пайдалуу маалымат берди.
- Ар бир адам өзүү каалаган финансылык уюмду тандоого укуктуу.
- Өзү кайрылган суроо боюнча кененирээк маалымат алганга укуктуу. Мисалы, кредит алууну пландап жаткан болсо, пайыздык чени, мөөнөтү, комиссиялары, төлөө шарттары тууралуу маалыматтарды келишимге кол койгонго чейин талап кыла алат.
- Банкка барганда өзүнө ыңгайлуу тейлөө тилин тандоого укуктуу: мамлекеттик же расмий тилибизди.
- Кредит алуу үчүн келишим түзүп, бирок акчаны алганга чейин кайра кредиттен баш тартып коюуга укуктуу.
- Келишим долбоорун үйүнө алып кетип, шашпай окуп, таанышып чыгууга укуктуу.
- Жүйлөөлүү бир себептер болуп, карызды төлөй албай калса, кредиттин мөөнөтүн узартып берүүнү өтүнүчү менен кайрылууга укуктуу.
- Депозиттеги акчасын кайсы убакытта болбосун кайтарып алууга укуктуу.
Жүрөкчөнү басканды унутпаңыз!
