Саламатсызбы урматтуу окурман! Бүгүн мен маңканы жесе эмне болоорун айтып берем. Пайдалуу материалды төмөндөн окуңуз.
Көчөдөн, үйдөн же башка жерден мурдун чукуп, ичинен тапканын оозуна салган балдарды көрсөңүз керек (балким, кичинеңизде сиз да алардай болчуңуз).
Бул адат сырттагы кишиге жаман көрүнгөнү менен, баланын ден соолугуна эч кандай зыяны жок. Таң калбаңыз. Бул чын.
Мисалы, австралиялык профессор-пульмонолог (өпкө дарыгери) Фридрих Бишингер маңканы пайдалуу дейт:
“Мурундун ичинде калып калган маңканын калдыктарын жесе – иммундук система бекемдейт. Медициналык көз караш менен караганда бул табигый нерсе. Мурун көп бактерияларды топтогон бир чыпка (фильтр). Андыктан маңка ичегиге түшкөндөн кийин дары болуп саналат.”
Кантсе да, маңка жегендин кооптуу жактарын унутпайлы. Бала мурдун чукуп, бармагын жалаган учурда организмине көптөгөн микробдор кирип кетиши мүмкүн. Жыйынтыгында:
- ооз сезгенет
- ичегиге мите курттар түшөт
- көнүмүш адатка айланат жана башка.
Эгер бала мурдун чукуп жатса, акырын гана түшүндүрүп коюңуз. Чоңойгон сайын бул адат өзү эле калат. Катуу урушпаңыз, жаш баланын нерв системасы жабыркап калышы мүмкүн.
