Салам, достор! Бүгүн биз Аяз атага кантип ишенбей калганын айтып берген бөбөктөрдүн баяны менен бөлүшөбүз. А сизде кандай болгонун комментарийге жазыңыз.
Кошуна байке
Атам Аяз ата келгенин айтып, тосуп келейин деп чыгып кетти. Мен барам десем болбой койду. Акырын артынан чыктым. Кошуна байке дарбазанын түбүндө туруп алып Аяз атанын чапанын кийип жатыптыр. Бакырып ыйлагам. Баары күлүштү. Кечинде ал кошуна байке чапанын чечип койбой, биздин үйдө тамак жеп отурду.
Апам экен
Апам мага куурчак берди. Аны Аяз ата берип жибергенин айтты. Ырдайт экен. Чукулап отуруп бузулап алдым. Апам урушту, канча сом экенин айтты. Мен муну Аяз ата берди десем, «жок, Аяз ата, мен алдым» деп бакырып алды. Ошентип Аяз ата жок экенин билдим.
Жашыл кеда
Мектеп. Мен анда экинчи класс болчум. Аяз ата келди. Баарыбыз айланып жатканбыз. Мен Аяз атанын колун кармап тургам. Кокустан бутун басып алдым. Карасам жашыл кедачан экен. Дене тарбия агай экенин ошондо билдим. Ыйлагам.
Сизде кандай болгон?
