Салам достор! Психолог Эльвира Чокоева, атасы же апасы ар дайым басынта берген окурмандарга кеңеш берип, бул абалдан кантип чыкса болорун айтып берди. Сөзсүз окуп, жакындар менен бөлүшкөндү унутпаңыз.
«Эмне болуп кийинип алып, кайда баратасың!», «Колуңдан эмне келмек эле», «Эби жок адамсың да!» ж.б. Ата-эне ар дайым эле сүйүүнүн жана колдоонун булагы боло бербейт. Кээде балдар ата-энесинен бирөөдөн укпаган эң жаман сөздөрдү угууга мажбур болушат. Ал саркзм же мазактоо дагы болушу мүмкүн.
Ата-эненин мындай аракети, баланын өздүк баасын түшүрөт. Бала «менин колумдан эч нерсе келбейт, аракет кылбай эле койсом болот» деп ойлоп калат.
Эң өкүнүчтүүсү бала келечекте аны дагы ата-энесиндей болуп басынткан адам менен турмуш куруп калышы мүмкүн.
Ата-энең басынтып жатса эмне кылуу керек?
— Өз чегиңди коргогонду унутпа. Сен мындай ачуу сөздөрдү угууга милдеттүү эмессиң. «Мага жагымсыз болуп жатат», «мен муну уккум келбейт» деген техниканы колдон.
— Бөлмөдөн чыгып кет. Муну менен сен сөздү бүтүрөсүң.
— Сени коргой ала турган чоң адам бар болсо, андан жардам сура. Мисалы, ал чоң энең, бир туугандарың болушу мүмкүн.
— Эгер сенде күнөө сезими пайда болсо, сен ата-энеңе каршы чыкпаганыңды, тескеринче, өзүңдү коргоп жатканыңды унутпа. Ата-энең мында нерсеге жол берип жатканы үчүн өзүңдү күнөөлүү сезбе, сенин күнөөң жок.
Пайдалуу кеңештер жакса жүрөкчө басканды унутпа!
