Салам, достор! 8-март аялдардын эл аралык майрамына карата, ата окурмандарыбыздын кыздарына жазган каттары менен бөлүшөбүз. Эгерде сизде дагы кызыңызга айтчу сөз болсо, комментарийге жазыңыз.
Сен үчүн сөгүнбөй калдым
Күчүгүм, менин! Атаң сени жакшы көрөт. Сага тийишкен балдарды жаман көрөт. Көйнөк кийип алсаң, ушундай кызганам. Апаңды анча кызганбайм. Сен мени назик кылдың. Сени мени сөгүнбөй таза сүйлөгөнгө үйрөттүң. Кызым, менин. Атаң ар дайым артыңда турат. Алдыга чурка кызым. Жыгылсаң чаңыңды күүп, тизеңди үйлөп берчи атаң бар.
Баатырдан кызы Жанелге
Батыраак келчи кызым
Сыртка чыктым. Кайра үйгө кирдим. Тамак иче албай койдум. Шаардан чыкты дегенден бери сени күтүп жатам кызым. Менин кичинекей кызым. Бөйрөгүң ооруп шаарга кеттиң. Кечир, атаң акча табам деп сени менен бара албай калды. Кызым, өзүмдү канчалык күнөөлөдүм дейсиң. «Сиз мени менен барбайсызбы?» дедиң. Ыйлагым келди кызым. Чекеңден өпкүм келет. Батыраак келчи кызым. Атаң сени сагынды.
Нурбектен кызы Жамалга
Сага татыктуу эч нерсе жок
Менин «принцессам». «Ата» десең могу жүрөк эзилет. Колумдагы жаратты көрүп үйлөсөң жүрөгүм бир токтоп кайра согот. Бул жылы биринчи жолу 8-мартты майрамдап жатасың. Атаң сага эмне беришти билбей убара. Сага татыктуу эч нерсе жоктой. Атаң сени жакшы көрөт.
Жоодардан кызы Айлинге
