Төрөттөн кийин балама мээрим төгө албай жатам. Бул нормалдуу эле нерсеби?
Саламатсызбы! Жакында эле балалуу болдум. Курсагымды көрүп алып жактырбай жатам. Өзүмдү жаман көрүп, балама мээрим төгө албай жатам. Бул нормалдуу эле нерсеби?
Зарина Усупова
Психолог
Саламатсызбы! Балким, бул төрөттөн кийинки депрессия болушу мүмкүн, кээ бир айымдарда болот, айрымдарда болбойт. Бул нормалдуу эле көрүнүш. Анткени төрөттөн кийин аялдын организминде, сырткы келбетинде бир топ өзгөрүүлөр болду. Булардын баары убактылуу, калыбына келтирсе болот. Ошондой эле кээ бирөөнө энелик мээрим эрте, же кеч келет. Бала төрөгөндөн кийин ичим чыгып калды деп, балаңызды жакшы көрө албай жатсаңыз, бул башка көйгөй болуп калат. Маселени терең изилдөө үчүн психологго кайрылуу кажет. Депрессияга түшкөнүңүз нормалдуу нерсе, балаңызды кабыл албай жатканыңыз башка нерсе. Себебин адис менен так изилдөө зарыл.
Психолог Зарина Усупова менен инстаграмдан @zarinaa.usupova баракчасы аркылуу байланыша аласыз.