Кайын энем күйөөмдүн кара кагазын бербей жатат. Кантип жөлөкпул алам?
Саламатсызбы! Мен жолдошум менен расмий ажырашкам, жайында каза болуп калды. Ортодо 2 бала бар, балдар менин колумда. Кайын энем мага күйөөмдүн кара кагазын бербей жатат. Балдарга жөлөкпулга документ тапшырайын дегем. Эмне кылсам болот? Кимге кайрылсам болот?
Мелисбек кызы Жаңыгүл
КРнын Эмгек жана социалдык өнүгүү министрлигинин мамлекеттик жөлөкпулдар бөлүмүнүн жетектөөчү адиси
Саламатсызбы! Кайын энеңиздин кара кагазды бербей койгонго эч кандай укугу жок. Ажырашкан күндө деле атасы балдардын мыйзамдуу өкүлү болуп саналат. Эгерде тынч жолу менен бүтпөсө сотко кайрылсаңыз болот. Же болбосо ЗАГСка барып, чоо-жайын түшүндүрүп көчүрмөсүн алганга аракет кылып көрүңүз.
Кененирээк маалымат алуу үчүн жашаган жериңиз боюнча райондук жана шаардык социалдык өнүгүү башкармалыктарына, КРнын Эмгек жана социалдык өнүгүү министрлигинин жарандар менен иштеген коомдук кабылдамасына кайрылыңыз, 0312 660 107, 0312 45-44-29 номуруна байланышка чыгыңыз, же министрликтин +996 990 603 030 WhatsApp номерине жазыңыз.