Күрөң түстөгү суюктуктун коркунучу жокпу? Гинеколог жооп берет
Саламатсызбы! Сизден сурайын дегеним акыркы этек кирим 2021-жылдын 2-ноябрында келип алтысы бүткөн. Эми январда күрөң түстөгү суюктук аз-аздан келип жатат. Бирок эч жерим ооруган жок. Коркунучу жокпу? Өтүнөм жооп берип койгулачы.
Айпери Соурбекова
гинеколог-эндокринолог
Саламатсызбы! Суроого толук жооп алуу үчүн суроону туура жазыш керек эле. Сизге жооп берүү үчүн жашыңыз, үй-бүлөлүк абалыңыз, кош бойлуулукка тест жасадыңызбы жокпу билишим керек эле.
Эгер тест салып, кош бойлуулук бар болсо ноябрь айынан бери УЗИге барып, жатындын ичинде бала барбы жокпу билиш керек. Жатындан тышкары бойго бүтүп калышы мүмкүн.
Эгер кош бойлуулук жок болсо этек кирдин бузулуусу болуп эсептелет. Дарыгерге кайрыласыз, УЗИге түшөсүз. Кош бойлуулук жок болсо жатын миомасы, полип, гиперплазия, аденомиоз ооруларында ушундай белгилер болот.
Ден соолукта болуңуз!