6 жаштагы кызымдын ич кийими кан болуп жатат. Эмнеден болушу мүмкүн?
Саламатсызбы! Менин 6 жаштагы кызымдын ич кийими кан болуп жатат. Эмнеден болушу мүмкүн?
Жамиля Сагинова
Гинеколог-эндокринолог
Саламатсызбы! Мындай көрүнүш бир нече себептерден улам болот. Мүмкүн кызыңызды кычышуу кыйнап келет. Анан ал жыныс мүчөсүнүн былжыр челин канаганча тырмап салат. Ал эми сырткы жыныс органдарынын былжыр челдери өтө сезгич жана жука болот.
Андан тышкары кычышуу төмөнкү себептерден улам болушу мүмкүн:
- гельминттердин инвазиясы
- вульванын (сырткы жыныс эриндеринин) склероатрофикалык лишайы
- цистит
- вулванын контакттык аллергиялык дерматити
- вульвовагиналдык кандидоз
- вульва псориазы ж.б.
Өзүңүз көргөндөй көптөгөн себептер бар, муну текшерүүсүз аныктоо мүмкүн эмес. Курттарга, мазокко, канга жана заарага анализ тапшырууңар зарыл. Тезинен балдар гинекологуна кайрылыңыз.
Ден соолукта болуңуз!
Гинеколог-эндокринолог Жамиля Сагинова менен инстаграмдагы @doktor.saginova баракчасы аркылуу байланышсаңыз болот