Кыздык белги алынбаса дагы бойго бүтүп калабы?
Саламатсызбы! Менин суроом төмөндөгүчө. Менин турмушка чыканыма 1 жыл болду. Бирок кыздык белгим дагы деле алына элек. Ичине эми эле киргенде катуу ооруйт. Дагы деле аракет кылам, бирок болбой жатат. Өзү ошентип ооруйбу билбей жатам. Турмушка чыккандан кийин 3 айда боюма бүттү. 8-9 жумалык болгондо өспөй калды. Алдырганы барсам гинеколог кыздык белгим бар экенин айтты. Ошондо кыздык алына элек эле бойго бүтүп калабы?
Светлана Коздрович
Гинеколог-эндокринолог
Кыздык белги бар туруп эле бойго бүтүп калышы мүмкүн, мындай учурлар көп. Кыздык сперматозоиддердин киришине эч кандай тоскоолдук кылбайт жана сперматозоиддер жумурткага өздөрү эле жол таап алат. Кеңири таралган мифтердин арасында - аял боюна бүтүшү үчүн оргазм алышы керек деген ишеним бар, бул жалган маалымат.
Дагы бир суроо, эмне үчүн күйөөңүз менен жыныстык катнашта көйгөй бар, сизге кирүүсүнө дагы эле уруксат бербей жатасыз? Мүмкүн, жыныс кыныңыз өтө тар же оорутууга болгон чыдамыңыз төмөн. Бул учурда сөзсүз адиске баруу керек, кеңеш алгыла, жөн жүрө берген болбойт. Адис атайын ооруну басаңдатуучу спрейлерди, дарыларды, ыкмаларды дагы айтып берет. Ал эми күйөөңүз дагы шашылбай, тыкан болуп, акырындык менен киргизип, любриканттар менен кошумча майлоосу керек. Гинекологго жана сексологго кайрылгыла.