Күйөөм кызымды бербейт жана көргөзбөйт. Кантип алсам болот?
Саламатсызбы! Мен көп жылдан бери кызымды алалбай келем. Жолдошум такыр эле бербей жатат же окутпайт. Кантип алсам болот? Кызымды аябай сагындым. Быйыл 3-класс болмок. Атасы бербейт же көргөзбөйт.
Нурислам Раимжанов
"Справедливость" укук коргоо уюмунун юристи
Урматтуу окурман! Кыргыз Республикасынын Үй-бүлө кодексинин 71-беренесинин 1-бөлүгүндө "Баладан бөлөк жашаган ата-эненин бири аны менен катташууга, тарбиялоого жана багууга катышууга, баланын билим алуу маселесин чечүүгө укугу бар" деп көрсөтүлгөн.
Демек, сиз жогоруда көрсөтүлгөндөргө укуктуусуз. Бирок сурооңузга караганда, сизге кызыңызды көрсөтүүдөн баш тартып жатыптыр. Ошондуктан сиз сотко кайрылып маселени чечсениз болот. Сотко кызыңыздын жашоо ордун сиз менен жашоосун аныктап берүү жөнүндө кайрылсаңыз болот же кызыңыз менен жолугушуу үчүн график түзүп берүүнү сураңыз болот.