Менин жашым 19да, гонорея оорусун жуктуруп алдым. Даарыланып айыксам болобу?
Саламатсызбы! Менин жашым 19да. Гонорея оорусун жуктуруп алдым. 2 айдан өтүп калды. Антибиотиктин эки түрүн колдонуп көрдүм, врачтын кеңешисиз. Даарыланып айыксам болобу же айыкпайбы? Даарылоо жолу кандай болот? Канча убакыт керек? Канча акча кетет? Медициналык сыр сакталабы?
Роман Дадажанов
Уролог-андролог, жогорку даражадагы врач, саламаттыкты сактоонун отличниги
Саламатсызбы! Биринчиден, өз алдынча дары ичпешиңер керек эле. Эми анализдин жыйынтыктарында көйгөйлөр болот. Ошондой эле, дарыгерге барбастан туруп, гонорея деп жатасыз. Так диагноз коюу үчүн биринчи бейтапканага кайрылыңыз. Гонорея болуп чыкса, дерматологго барасыз, алар каттоого алат. Сизди гана эмес, жыныстык катнашка барган өнөктөштөрүңүздү дагы дарылоо кажет. Гонореяны дарылоо түрүнө жараша болот. Тезинен дарыгерге барыңыз.
Ден соолукта болуңуз!
Уролог Роман Дадажановду инстаграмдагы @andrologkg баракчасы аркылуу тапсаңыз болот.