Турмушка чыкканда этек кир оорубай келип калабы?
Саламатсызбы! Мен 20 жаштамын. Этек кирим келгенде катуу оорутат. Дары ичкенде жакшы болуп калам. Эмне себептен оорутат? Бейтапканага көрүнсөм эч нерсе эмес, турмушка чыкканда жоголуп кетет дешкен. Анан кичине киста бар экенин, жарылышы кыйын болот деген. Эмне кылсам болот?
Светлана Коздрович
Гинеколог-эндокинолог
Саламатсызбы! Гинекологго тезинен көрүнүшүңүз керек. Тилекке каршы, турмушка чыгуу оорутуп келген этек кирге эч кандай таасир бербейт, бир нерсени өзгөртпөйт. Киста боюнча дарылоо жүргүзүп жана динамикада байкоо керек.
Ооруну сездирбөөчү дары-дармектерди этек кир башталаарынан 2-3 күн мурун ичип баштаган туура болот, бул эң жакшы натыйжа берет. Жалпысынан оорутуунун пайда болушунун себебин билип, ошонун негизинде дарылоо сунушталат.
Нормада этек кир оорутуп келбейт. Оорутуп жатабы, демек, бир көйгөй бар. Аны таап, жок кылуу керек. Бул нерсе гинекологдун жардамысыз болбойт.
Ден соолукта болуңуз!
Гинеколог-эндокринолог Светлана Коздровичти инстаграмдагы @arzclinic баракчасы аркылуу тапсаңыз болот.