Төрөгөндөн кийин башымдын ооруганы басылбай жатат. Эмнеден болушу мүмкүн?
Саламатсызбы! Төрөгөнүмө 20 күн болду. Башымдын ооруганы басылбай жатат. Кан басымымды текшертсем 110/80 экен. Башым менен көзүм кошо ооруп тумандап жатат. Эмнеден болушу мүмкүн?
Айнура Матураимова
Гинеколог
Саламатсызбы! Ар бир аял төрөттөн бир нече күндөн кийин башынын оорушун байкашат. Бул көптөгөн себептерден улам болушу мүмкүн:
- Төрөт учурунда физикалык күчтөн улам, баштын жана көздүн кан тамырларына басым келет.
- Гормоналдык деңгээлдин өзгөрүүсү
- Психо-эмоционалдык тынчсыздануу.
Кош бойлуулук учурунда аялдын денесиндеги кандын жана суюктуктун көлөмү бир кыйла жогорулайт. Бул физиологиялык жактан баланын жакшы төрөлүшүнө шарт түзөт. Ошол суюктук менен мээдеги кан тамырлар шишип, калыбына келгичекти ооруйт. Эки үч айда толук калыбына келет.
Организмге мүмкүн болушунча аз таасир этүүчү дарыларды колдонуу шарт. Анткени дарынын таасири сүт аркылуу балага өтпөгөндөй болуш керек.
Дарыгерге кайрылыңыз, балага зыян келтирбөөчү дары жазып берет.