Апама карыздарын төлөсөм жагам, мындай учурда колумдан эч нерсе келбешин айтат

2021.04.27, 12:53
893

Саламатсызбы! Мен 22демин. Бул курактагы жаш мырзалар чечкиндүү кадамдарга барышат, өзүлөрү каалаган жашоону курушат. А меники монотондуу, эртеден кечке үй менен жумуштун ортосундамын. Баса, жумушумду дагы ата-энем таап берген.

Ар бир кадамымды апам башкаргандай сезилет. Байкелерим өзүлөрүнчө жүрүшөт. Мен болсо чечкинсизмин. Апамды кыя албайм, боорум ооруй, кайра ачуум келет. Апам колумдан эч нерсе келбей турганын айтат. Бирок, карыздары келгенде башка уулдарынан жогору турам. Ичимде эмне болуп жатканы менен эч кимдин иши жок. 

Жашоодон тажадым. Эч кимди көргүм келбейт. Жалгыздыкка сүңгүп кетким келет. Апама, бир туугандарыма ушунчалык жиним келет. Эмне үчүн мени алсыз көрүшөт? Аларды аяп жүрүп өзүмдү жок кылып аламбы? Киндигимди кесип качып кетким келет. Бирок, электр акысын, карыздарды, ойлой берем. 

Байкелерим иштейт, бирок жардам бербейт. Апам аларга сүйлөй албайт. Окуп, үй алып, келечегимди курарымды айтып, максаттарым менен бөлүшсөм, колумдан келбей турганын айтышат. Мени ким түшүнөт?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
27.04.2021, 12:55

Асель Баимбетова

Психолог

Кутмандуу күнүңүз менен!

Тилекке каршы, мындай учурлар көп кездешет. Айталы, эне баласынын бирөөсүнө байланып, аны өзүнө көз каранды кылып, коркуу сезимин орнотуп коет. Ансыз жашай албасын, ар дайым жардамына муктаж экенин көрсөтөт. Мындайча айтканда, жалгыз калгандан коркуп, баласында кемчилик копмлексин жаратат. Мисалы, сиз апаңызды жалгыз калтыра албай өзүңүздү күнөөлүү сезесиз, жашооңузду курмандыкка чаласыз.

Бой жетип, бул нерсенин бааарын түшүнүп баштаганыңыз эң жакшы. Көйгөйдү туугандарыңыз менен талкуулаңыз, алар дагы апасына кам көрүшсүн. Ошондой эле, алар минтти же тигинти деп даттана бербей, пландарыңызды, каалоолоруңузду ачык айтып, өз жолуңузду тандаңыз.

Жашсыз, жашооңуз али алдыда. Башкалар сыяктуу эле сизде дагы тандоо укугу бар экенин унутпаңыз. План куруп, кыялдарыңызды ишке ашырганыңыз, апаңызга чыккынчылык кылуу эмес экенин түшүнүңүз. Апаңыздын жашоосу башка, сиздики башка.

Апаңыздан бөлүнгөнүңүз аны таштап кеткениңизди же жаман көрүнүңүздү билдирбейт. Апаңызга убакыт бөлүп, ошол эле убакта өз жашооңузду дагы унутпагандай болуңуз. Тактап айтканда, экөөнүн ортосунда балансты тапканга аракет кылыңыз. 

Бактылуу болуңуз!

Психолог Асель Баимбетова менен инстаграмдагы @psihologiya_kg баракчасы аркылуу байланышсаңыз болот.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт