18 жаштамын, төшүм чоңойбой жатат. Эмне кылсам болот?
Саламатсызбы! Мен 18 жашка чыктым. Бирок көкүрөгүм чоңойбой жатат? Эмне кылсам болот? Кантип чоңойтсом экен? Семирсем чоңоебу?
Аида Осомбаева
Маммолог
Саламатсызбы! Бул жерде эч кандай патология жок, норма болуп эсептелет. Төшүңүздүн өлчөмү генетикадан көз каранды болушу мүмкүн: кимдир бирөөнүкү чоң, айрымдарыныкы кичинекей дегендей. Эң негизгиси төшүңүздө эч кандай шишик болбош керек. Муну өзүңүз кармалап көрүп байкап турсаңыз болот. Ооба, салмак кошкондо, кош бойлуу болгондо жана бала эмизгенде төш чоңоет. Бирок, баланы эмчектен чыгаргандан кийин же арыктаган соң кайра мурдагы калыбына келип калат. Мунун баары физиология. Профилактика үчүн жылына бир жолу УЗИге түшүп, маммологдон консультация алып туруңуз. Ашыкча кабатыр болуунун кереги жок.
Ден соолукта болуңуз!
Маммолог Аида Осомбаева менен @dr.mammolog.kg инстаграм баракчасы аркылуу байланышсаңыз болот.