Күрөөгө коюлган үйдүн акчасын төлөп, өзүмө өткөрүп алсам болобу?
Саламатсызбы! Юристин жообуна мукатажмын, жардам берип коесуздарбы.
Менин бир тууган агам үйдү күрөөгө коюп кредит алган экен. Азыр болсо төлөй албай жатат. Өзүм төлөп, үйдүн документин өткөрүп алсам болобу? Атамдан калган ыйык үйүбүз. Сураныч жооп күтөм.
Нурислам Раимжанов
"Справедливость" укук коргоо уюмунун юристи
Саламатсызбы! Ооба, кредитти төлөп, үйдү алсаңыз болот. Өткөрүп алуу маселеси боюнча айтуу үчүн банк менен агаңыздын ортосунда түзүлгөн келишимди карап чыгуу керек. Көпчүлүк учурда банк кредит бүткөндөн кийин, кредит алган адамга өткөрүп берүү келишимин түзөт.
Сиз агаңыз менен өз алдынча келишим түзсөңүз болот. Мен кредитти төлөйүн, сен мага үйдү өткөрүп бер деп. Албетте мунун бары нотариалдык түрдө, шарттардын негизинде болушу керек. Ушунун негизинде кредитти төлөп, үйдү өткөрүп алсаңыз болот. Агаңыз кредитти төлөсө, үйдү өткөрүп берем деп жоопкерчилик алат.