Кызыл СССР паспортун кантип алмаштырам?
2021.01.12, 15:45
902
Саламатсызбы! Кызыл СССР паспортун кантип алмаштырам? Жол-жоболорун айтып коесузбу.
Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
12.01.2021, 15:52
Бакай Алишеров
КР Мамлекеттик каттоо кызматынын Уюштуруу-коммуникация иштери бөлүмүнүн жетектөөчү адиси
Саламатсызбы! Кыргыз Республикасынын жаранынын 1974-жылкы үлгүдөгү паспортун идентификациялык картага алмаштыруу үчүн зарыл болгон документтер тизмеси:
- Алмаштырылууга тийиш болгон паспорт;
- ПИН (ПВКИБ);
- Туулгандыгы тууралуу күбөлүгү;
- Никелешүү, никесин бузуу тууралуу күбөлүк (жолдошу (жубайы) каза болгон учурда өлгөндүгү тууралуу күбөлүк):
- Соттолбогондугу тууралуу маалымкат;
- Жашаган жеринен алынган маалымкат/работы;
- 3 кошунасынан алынган акт;
- Өмүр баяны;
- Түшүнүк кат;
- Жарандыгын аныктоого берилген арыз;
- Жарандыкты аныктоого карата мамлекеттик алымдын төлөнгөндүгү жөнүндө дүмүрчөк;
- Төлөнгөндүгү жөнүндө дүмүрчөк.
Төмөнкүлөр ордунан жүргүзүлөт:
- Электрондук анкета-арыз;
- Электрондук фотосүрөт;
- Жарандыгын аныктоо жөнүндө арыз берүү.
Жогоруда көрсөтүлгөн документтер топтолгондон кийин арыз берүүчүнүн КР жарандыгына тиешелүүлүгү тууралуу корутунду чыгарылат.
Мамлекеттик каттоо кызматынын бирдиктүү ишеним телефону: 0312 62 41 40; же 119 кыска номерине чалып кошумча маалымат алсаңыз болот.
Ийгилик!
0
Пайдалуу жооп