Процентке алган акчаны төлөй албай калдым, эмне кылсам болот?
Юристен жооп алып бергилечи. Бирөөлөрдөн тил катсыз, күрөөсүз эле процентке акча алгам. Өлкөдөгү шартка байланыштуу бизнесим токтоп калды. Мурун акчанын процентин берип келгем, ишим токтогондон бери акча бере элекмин. Алар мени сотко беребиз деп жатышат, сот кандай чара көрөт?
Нурислам Раимжанов
"Справедливость" укук коргоо уюмунун юристи
Саламатсызбы! Абалыңыз оор экен. Негизи процентке көп суммадагы акча тил кат же кандайдыр бир күрөө менен берилет. Бирок сиз ансыз алыпсыз. Эгер сотко беришсе, канча сом төлөгөнүңүздү жана бүгүнкү күндө канча сом карыз экендигиңизди түшүндүрмө бериңиз. Мисалы, 500 миң сом алган болсоңуз, процентин кошпогондо канчасын төлөп бүткөндүгуңүздү эсептеп бериңиз. Сизге сунушум адвокат жалдаңыз. Ага баарын түшүндүрүп айтып бериңиз. Алдын ала сот кандай чара көрөөрүн айтыш кыйын.
Кыргыз Республикасынын Юстиция министирлигинин Калкка акысыз консультациялык-укуктук жардам көрсөтүү боюнча борборлору бар. Ошол жака дарегиңиз боюнча кайрылып, бекер юридикалык жардам алсаңыз болот.