Бир ай мурун боюмдан түшүп калды. Эми аз-аздан кан келип жатат

2021.01.07, 12:12
794

Мен 20 жаштамын. Күйөөгө тийгениме үч ай болду. Бир айлык боюмда бар эле, бир ай мурун түшүп калды. Дары ичип, укол алгам. Дарыгер маткам таза экенин, сактанбай эле коюу керектигин айткан. Кечээ күнү бир аз кан тамчылап кайра токтоп калды. Дарыгерге барсам, текшербей эле мен ичкен дарынын кесепети деп койду. Ошондой болушу мүмкүнбү? Этек кирим ушул айдын ондорунда келиш керек. Эгерде кайра боюмда болгон болсо, ушинтип аз-аздан кан келе береби? Күйөөгө тие электе этек кирим убагы менен келчү.

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
07.01.2021, 12:24

Жамиля Сагинова

Гинеколог-эндокринолог

Саламатсызбы! Өзүнөн-өзү бойдон түшкөндөн же тоңуп калган кош бойлуулук болгондон кийин айым калыбына келип, себебин билип жана ден-соолугун чыңдоосу үчүн кеминде 3-6 ай коргонуу сунушталат.

Бойдон түшкөндөн кийин сиз айтып жаткандай кан агуулар болбошу керек. Балким, экинчи ирет кош бойлуулук болгон жана дагы токтоп калуу коркунучу бар, же боюңуздан түшүп калгандан кийин калдыгы же кан топтолуп калышы мүмкүн. Сиз муну аныкташыңыз керек. Бул үчүн  тезинен гинекологго кайрылыңыз.

Ден соолукта болуңуз!

Гинеколог-эндокринолог Жамиля Сагинова менен инстаграмдагы @ginekolog_endokrinolog1 баракчасы аркылуу байланышсаңыз болот.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт