Тест алып текшерсем, 3 сызыкча чыкты. Бул эмнеси? Гинекологдун жообу
Саламатсызбы. Мен 21 жаштамын, эмчектеги балам бар. Акыркы айда этек кирим келбегенинен тест алып текшерсем 3 сызыкча чыкты. Балама 1 жаш 1 ай болду. Эгер эмчектен чыгарбасам, сүтүм канчалык деңгээлде ага зыян болот? Чыгарып салсам кыйналып калбайбы? Же боюман алдырып салган эле туура болобу?
Жамиля Сагинова
Гинеколог-эндокринолог
Саламатчылык. Эгер тесттин жыйынтыгы оң көрсөтүп жатса демек боюңузда бар. Ал эми 3 сызыкча көрсөтүп жатканы, өндүрүштө жаңылыштык кетип ашыкча сызык чийилип калса керек.
ХГЧ анализигн тапшырып, УЗИге түшүңүз. Баланы сактап каласызбы же алдырасызбы, үй-бүлөңүз менен кеңешип, бул маселени мүмкүн болушунча эртерээк чечиңиз.
Эгер бойдон алдырбайм десеңиз анда кош бойлуулуктун 11-12 жумасына чейин эмизе турсаңыз болот. Андан кийин акырындык менен эмчектен чыгарышыңыз керек. Бир жашка чыгып калган бала өз алдынча тамактанууга жарап калат.
Эмизген эне пайдалуу заттардын көбүн сүт аркылуу берет. Ичтеги бала да сиз аркылуу азыктанып, өзүнө тиешелүү витаминдерди ала турганын эсиңизден чыгарбаңыз.
Гинеколог-эндокринолог Жамиля Сагинова менен инстаграмдагы @ginekolog_endokrinolog1 баракчасы аркылуу байланышсаңыз болот.
Башкы беттеги сүрөт интернеттен алынды.
Бул жерден адистин башка суроолорго берген жоопторун окусаңыз болот:
Боюмда бар, демим кысылып жатат, бул нормалдуубу же доктурга көрүнүшүм керекпи?
УЗИге түшсөм баланын башында суусу бар деди. Ал эмне дегенди билдирет?
Кош бойлуумун бирок кан кетип жатат. Доктурга кайрылсам боюмдан алып салбайбы?
Разрыв болгом, тиктирген жерим ажырап кетиптир, кайра тиктирсем болобу?
Уул төрөгөүм келет, кандай ыкмаларды кылсам болот? Гинеколог жооп берет