// //

Ажырашканбыз. Кайын журтум себимди бербей жатат. Эмне кылышым керек?

2020.08.05, 10:45
1467

Саламатсызбы. Кимге кайрыларымды билбей турам. Ажырашкам, балам эки жашта. Кайын энем баланы бербейм деп жатат. Мен баланы алып, өз апама таштап, Россияга иштегени кетсемби дегем. Ушундай кыла турган болсом, алимент кестире аламынбы? Же сөзсүз баланын жанында болушум керекпи? Баланы кайын энеме деле таштасам болот, бирок алар кийин мага көрсөтпөй коюшат да.

Анан кайын журтум себимди да бербей жатышат. Мага 70 миң калың беришкен. Бирок алар машинага, дасторконго кеткен чыгашаларды кошуп, 150 миң берсеңер анан кайтарып берем дейт. Ошону кантип алам? Ата-энем да жоош, ызы-чуу кылганды билишпейт. Анын үстүнө алысыраак тууганы да болуп кетет.

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
05.08.2020, 10:48

Эркингүл Шаршенбекова

Адвокат

Урматтуу окурман. Мыйзам боюнча бала апасы же атасы менен чогуу чоңойуусу керек. Сиз айтып жаткандай баланы алып, апаңызга таштап, чет өлкөгө кетип калганыңыз туура эмес кадам. Алимент өндүрүү үчүн бала сиз менен бирге болууга тийиш.

Ал эми сеп тууралуу айта турган болсок, сепке берилген оокат сизге ата-энеңизден белекке келген буюм болуп эсептелинет. Мыйзам боюнча белек кимге берилсе, ал ошонун ээси болуп саналат. Ошондуктан сотко доо-арыз менен кайрылып, кайтарып алууга толук укуктуусуз.

Ийгилик!

Адвокат Эркингүл Шаршенбекованы инстаграмдагы @advokat_kg_erkingul баракчасы аркылуу тапсаңыз болот.

Башкы беттеги сүрөт иллюстративдүү.

Адвокаттын башка суроолорго жоопторун бул жактан окусаңыз болот:

Келинчегим мага айтпай туруп үйүбүздү сатып жиберген. Сотко кайрылсам болобу?

Апам үйдү өз наамына өткөргүсү келет, менин уруксатым жок өткөрө алабы?

Кайын атамдын үйүндө өгөй кайын агам турат. Үйүбүздү кантип өзүбүзго алсак болот?

Батирдин ээси жашабасам да эки айдын акчасын төлө деп жатат. Ушул туурабы?

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт