Үйдөгүлөр көңүлүмдү ооруткан сөздөрдү көп айтышат, ошондуктан аларга сүйлөбөйм
Саламатсызбы. Менин суроом бар эле. 18 жаштамын, негизи мүнөзүм токтоо, жиним деле бат келбейт. Бирок ачуума тийсе 2-3 күн сүйлөбөй жүрө берем. Кекчилмин, мага жасаган мамилени такыр унутпайм. Бирөө капа кылып койсо, бир нече күн кабагымды түйүп жүрө берем.
Өзүм шайыр кызмын. Досторум менен болгондо маанайым жакшы, ачылып жүрөм. Бирок үйдөгүлөргө андай эмесмин. Маанайым дароо өзгөрөт, көңүлүмө жакпаган сөздөрдү көп айтышкандыгы үчүн аларга такыр сүйлөгүм келбейт.
Асель Баимбетова
Психолог
Саламатчылык. Көңүлдү ооруткан сөздөргө ачуулануу – бул нормалдуу реакция. Болгону өзүңүздүн абалыңызды айтып, жеткирүүгө үйрөнүңүз. Ошондо таарынуу бир нече күнгө созулбайт.
Мисалы: мага сиздин мени менен мындай тондо сүйлөшкөнүңүз жакпайт. Сенин мени шылдыңдаганыңа ачууланам. Мага мындай мамиле кылганыңарда капа болом, көнүлүм ооруйт, ж.б.
Такыр болбоду дегенде, “болду токтот”, деп айтсаңыз болот.
Башкача айтканда, сиз дароо, ошол замат, ошол жерден жаныңыздагы адамга өзүңүздүн сезиминизди жана абалыңызды жеткирүүгө үйрөнүп жатасыз. Эгер жакындарыңыздын сизге карата ниети түз болсо, алар түшүнүүгө аракет кылып, сизге карата мамилесин өзгөртүшөт.
Ийгилик!
Психолог Асель Баимбетова менен инстаграмдагы @psihologiya_kg баракчасы аркылуу байланышсаңыз болот.
Башкы беттеги сүрөт интернеттен алынды.
Үй-бүлөлүк мамилелер тууралуу бул жерден дагы окусаңыз болот:
Менин көңүлүмдү калтырса мейли го, балдар чоңоюп соз түшүнүп калышты
Кайын энем ооруп калсам эле уруш чыгаргысы келе берет. Эмнеге мындай?
Бөлүнөлү десем, кайын энем ынабай жатат. Эмне кылышым керек?