Жатынымды алдырып салсам, интимдик байланыш кандай болот? Гинекологдун жообу
Учурда 35 жаштамын, үй-бүлөм, жолдошум бар. Миоманын кесепетинен доктурлар “маткамды” алып салабыз деп жатышат. Интимдик байланыш кандай болот?
Светлана Коздрович
Гинеколог-эндокринолог
Саламатчылык. Жатынды алып салуу адатта, интимдик жашоого эч кандай таасирин тийгизбейт. Жолдошуңуз анын жок экенин байкабайт дагы.
Маселе башкада. Жатын бул жумуртка гормондорунун мындайча айтканда бутасы. Аны алып салгандан кийин жумуртка бездер мезгилинен эрте соолуй баштайт. Бул климактерикалык жана менопаузалык өзгөрүүлөргө алып келет. Башка сөз менен айтканда, климакс эрте келүү коркунучу бар.
Ошондуктан сизди дарылап жаткан доктурдан жатынды алып салуудан башка ыкмалар менен дарылоо мүмкүнбү, деп тактап сурап көрүңүз. Балким консервативдик мтомэктомия жасатып же миоманын көлөмүн кичирейтүү үчүн дары дармек ичсе болот?
Албетте, эгер миомалардын саны өтө көп болсо, же анын көлөмү өтө чоң болуп кан кетүүлөр менен коштолсо, анда операциядан башка арга жок. Себеби, миома коңшу турган органдарга да (табарсык, ичегилер) кесепетин тийгизет.
Ден соолукта болуңуз!