Үйлөнгүчө жыныстык катнашка барбай койсом ден соолугума зыян эмеспи?
Ассалом алейкум! Мен 21 жаштамын. Үйлөнө элекмин, ал тургай ушул жашка чейин бир да жолу жыныстык катнашка барган эмесмин. Мен башкаларга окшоп, кыздар менен ойноп, тагдырын талкалагым келбейт. Нике түндө гана кошулам, деген принцибим бар.
Бул нерсе ден соолугума зыян эмеспи?
Азат Бейшенов
“Кортекс” клиникасынын адиси, уролог
Саламатсызбы. Жыныстык катнашка баруу адамдардын табигый керектөөсү. Болгону жыныстык мамиле куруудан мурун көптөгөн факторлорду эске алуу керек. Мисалы интимдик мамиле эки тараптын тең каалоосу менен болууга тийиш. Андан тышкары жыныстык ооруларды жуктуруп алуудан этият болуу, планга кирбеген кош бойлуулуктан сактануу.
Ал эми өзүңүздүн жашоодо карманган принцип ушундай болсо, демек үйлөнгүчө күтүңүз. Сизге эч ким мындай кыл, же башкача кыл деп айта албайт. Бул сиздин жеке чечимиңиз.
Ден соолугуңузга тийгизе турган таасирин айта турган болсом, простатит оорусуна чалдыгып калышыңыз мүмкүн.
Бул жактан окусаңыз болот:
Эркек көпкө чейин жыныстык катнашка барбаса эмне болот? Адистер айтып берет