"Балам кружокторго катышкысы келбейт". Психологдун кеңеши
Балаңыз ийримдерге баргысы келбесе мажбурлабаңыз!
Баланын кызыгуусунун жоктугунун себептери:
1. Неврологиялык же психиатриялык көйгөйлөр. Булардын айрым белгилери байкалса, баланы дароо адиске көрсөтүү керек.
2. Чарчоо. Бала катуу чарчаса, ойлонбостон туруп баарынан баш тартат.
3. Топтогу жагдай. Мүмкүн ийримдеги балдар же мугалими менен тил табыша албай жатат.
4. Кызыгуу жоголсо. Буга чейин калтырбай катышып жүргөн кружогуна баргысы келбесе, бала чоңоюп, кызыкчылыктары өзгөрдү деп божомолдоого болот.
Албетте, тынчсызданбай койбойсуз. Мүмкүн музыка же спорт ийримдерине катышса келечекте белгилүү бир инсан болот деп үмүттөнгөнсүз. Кандай болгон күндө да, балаңыз менен ачык сүйлөшүңүз.
Кайсы учурда баргысы келбей калды, түшүнүүгө аракет кылыңыз, анализдеп чыгыңыз. Адатта бала ашыкча жүк болуп кеткенде каршылык көрсөтүп, "мени кыйнап жатасыңар" деп айтышы мүмкүн.
Баланы өзү каалаган ийримге береңиз!